Ziyech មិនចង់​ឱ្យ​មានភាព​មិន​ច្បាស់លាស់​ពាក់​ព័ន្ធ​នឹង​ការផ្ទេរ​ទៅ Bayern Munich​

ក្លឹប Bayern Munich មាន​ព័ត៌​មាន​ថា​ចាប់អារម្មណ៍​ចង់​បាន​កីឡាករ Hakim Ziyech ប៉ុន្តែ​តារា​បាល់​ទាត់​របស់​ក្លឹប Ajax រូបនេះ​​មិន​ចូល​ចិត្ត​ភាព​មិនច្បាស់លាស់​ពាក់ព័ន្ធ​នឹង​ការ​ប្ដូរ​ក្លឹប​បែបនេះ​នោះទេ។

កីឡាករ Hakim Ziyech បាន​សម្រេចចិត្ត​បន្ត​លេង​នៅ​ក្លឹប Ajax ដែល​បញ្ជាក់ច្បាស់ពីអនាគត​របស់គេ​ ក្នុងអំឡុងពេល​ដែល​មាន​ព័ត៌មាន​ចចាមអារ៉ាម​ពីការ​ផ្ទេរទៅ​ក្លឹប Bayern Munich។

Ziyech មានតួនាទីសំខាន់​នៅ​ក្លឹប Ajax ដោយ​បានជួយ​ឱ្យ​ក្លឹប​នេះ​ឡើង​ដល់​វគ្គ​ពាក់កណ្ដាល​ផ្ដាច់ព្រ័ត្រ​​ឆេម​ពានស៍​លីគ​កាលពីរដូវកាលមុន។

ប៉ុន្តែ​នៅពេល​ដែល​កីឡាករ​ Frenkie de Jong ចាកចេញ​ទៅ​លេង​នៅ​ក្លឹប Barcelona ហើយ​ Matthijs de Ligt ចុះ​កុងត្រាជាមួយ​ក្លឹប Juventus ក្នុងអំឡុងពេល​ដោះដូរកីឡាករ Ziyech នៅ​តែបន្ត​លេង​នៅ​ក្លឹប Ajax ដដែល។ មាន​សេចក្ដីរាយការណ៍​ថា​ក្លឹប Bayern ចាប់អារម្មណ៍​ចង់បាន​កីឡាករ​ដែលមាន​វ័យ ២៦ឆ្នាំរូបនេះ​ ប៉ុន្តែទីបំផុត​ គេបានចុះ​កុងត្រា​ថ្មី​ដែលមាន​សុពលភាព ៣ឆ្នាំ​ជាមួយ​ក្លឹប​ Ajax ទៅវិញ។

ថ្វីបើ Ziyech ធ្លាប់បាន​ទទួលស្គាល់ថា​គេអាច​នឹង​ប្ដូរទៅលេង​នៅ​អាល្លឺម៉ង់​ក្ដី គេ​អាច​នឹង​ពន្យារពេល​បន្ត​កុងត្រា​ដើម្បី​រង់ចាំ​ឱ្យការផ្ទេរនេះ​ក្លាយជាការពិត។

Ziyech បាន​និយាយ​ប្រាប់សារព័ត៌​មាន​ Algemeen ថា៖ “ត្រូវហើយ ខ្ញុំអាច​នឹង​រង់ចាំ Bayern ប៉ុន្តែ​រវាងខ្ញុំ​ និង Ajax ខ្ញុំ​មានអារម្មណ៍​ថា​ជាពេល​វេលា​ល្អ​ដែលយើងគួរ​មានភាព​ច្បាស់លាស់មួយ”។

 

Ziyech បាន​និយាយ​បន្ថែម​ទៀតថា​ គេ​មិនចាំបាច់ត្រូវ​បង្ខំចាកចេញពី Ajax នោះទេ ព្រោះគេ​កំពុងរីករាយ​នឹង​ការ​លេង​បាល់ទាត់នៅក្លឹបនេះ។

“ខ្ញុំ​រីករាយ​នឹង​ការ​លេង​បាល់ទាត់នៅ Ajax យើង​មាន​ក្រុម​មួយ​ដ៏ល្អ ហើយ​បរិយាកាស​នៅទីនេះ​ក៏​ល្អដែរ”។

“ហើយខ្ញុំ​ចង់​បញ្ជាក់ឱ្យ​ច្បាស់ថា​ជោគជ័យ​របស់យើង​កាលពីរដូវកាលមុន​មិនមែនកើតឡើង​ដោយចៃដន្យ​នោះទេ គឺបញ្ជាក់​ឱ្យ​ខ្លួន​ឯង និង​អ្នកជុំវិញខ្លួន​បានឃើញ”៕

 

‘It’s not right. Ajax deserve UCL’ – Erik ten Hag on Champions League qualifying

 

មតិយោបល់